唇瘡初起

今日係不幸的一日, 見嘴邊粒水泡有擴散的跡象, 而且仲有少少痛.
為免夜長夢多, 今朝咪去睇醫生聽佢講下有乜事囉 ...

去到診所, 就有以下一番對話

[為保護當事人, 對話係經過聲音處理, 絕對聽唔到]
醫: 噢. 你患左唇瘡喎.
我: 咁點算呀?
醫: 香港好多人都有既, 唔駛咁緊張, 通常一個星期就好架啦 ..
我: [放下心頭大石狀] 咁好? 點樣傳染架?
醫: 好多途徑架, 可能你細個時候老人家食完啲飯再喂你呀 ... [沉默一會] ... 鍚鍚呀 都會 ...
我: 哦
醫: 仲好高傳染性架, 呢排就唔好同人共用毛巾 杯等等
我: 哦 ... 咁會唔會復發架?
醫: 呢隻病冇得醫嗰喎, 通常夜訓呀 ... 精神緊張就可能番發架啦 ... 你有冇訓多啲呀?
我: 我 ... 呢排訓得好足喎... 咁...
醫: 咁可能精神緊張啦 ...你要放鬆啲呀...
我: [正諗緊我有乜野緊張...]
醫: 好啦 .. 我開隻藥俾你搽啦
我: 哦 ... 係呢, 咁呢隻病正式名稱係乜呀?
醫: 泡疹一型 ...
我: [驚訝狀]
醫: 唔駛驚, 泡疹二型先會感染下身 ... 一型唔駛驚啦
我: 哦 ...
醫: 係咁啦 ... 訓多啲, 出去攞藥啦
我: [一邊諗緊泡疹的恐怖, 攞住唯一一支藥膏, 一邊行出去]

回到家之後, 諗住醫生話一個星期就好啦 ... 點知搽完啲藥之兩個鐘後,
水泡即爆 ... 膿液不停的流出來... 我估啲藥殺緊 virus, 應該係咁掛 ...

Lawrence